انتهاكات المجلس العسكرى فى اعتصامين 18 نوفمبر واعتصام ديسمبر ردا على من يقول ان الثوار مجموعة مخربون

بعد الاحداث اللى حصلت فى محمد محمود والاحداث اللى حصلت فى القصر العينى 

سمعت اراء كتير جدا من مؤيد او معارض للثوار

كانت اغلب الأراء للمعترضين على الثوار

اننا بنخرب البلد !!
سواء بالاعتصام لاننا بنعطل البلد
أو باللى بنعملو ضد الأمن والجيش ! 

انا عامل التدوينه دى للرد عالاتهامات دى  وبالتوثيق بالفيديو والصور وتويتات ناس لايف من التحرير

اولا : الاعتصام حق مكفول من القانون لأى مواطن
ثانيا : المعتصمين فى 18 نوفمبر كانو معتصمين فى صينية التحرير يعنى مفيش اى عطله
وفى الاعتصام الاخير كانو معتصمين قدام بوابة مجلس الوزراء 

والمجلس ليه 4 بوابات يعنى مفيش اى عطله بردو 

ثانيا : الناس اللى كانت بتقول الناس دى نازله ليه ؟؟!!

نبدأ بقى بأعتصام 19 نوفمبر :
اسباب النزول : 

1: رفض وثيقة السلمى 

2: رفض المحاكمات العسكريه للمدنيين
3:سرعة تسليم الساطه للمدنيين 

لأن بالبلدى كده وثيقة السلمى دى كانت هتخلى البرلمان
الجاى رأيو استشارى يعنى ملوش اى لازمه وكان القرار الاخير هيبقى للمجلس العسكر 

بمعنى استمرار سلطة المجلس العسكرى حتى بعد الأنتخابات 

ورفض المحاكمات العسكريه اللى كان بيتحاكمها النشطاء السياسيين بس يعنى لابلطجيه ولا غيرو 

وسرعة تسليم السلطه للمدنيين لأن المجلس العسكرى كلـ شويه يأجل فى التسليم وولاسف ماشى فى طريق عكس الثوره ومطالبها 

يوم الجمعه بليل اعلن المجلس رفض وثيقة السلمى
قولنا تمام ناس روحت وناس اعتصمن والقانون بيضمنلهم ده زى ماحنا قايلين
يوم السبت بليل فجأه الجيش هجم على المعتصمين وفضهم بالقوه
وطبعا استمر الضرب والسحل
والضرب بالرصاص الحى لمدة اسبوع وماتت شهدا كتير جدا

يعنى المجلس اللى بدأ اهو مش الثوار المعتصمين !!

وكل حاجه عن الاسبوع ده موجوده فى الفيديو ده 

the vedio by : Mahmod elsayed

نروح بقى لاعتصام ديسمبر
وده الناس كانت نازله فيه مطالبه بحكومة انقاذ وطنى
والمجلس يومها اختار الجنزورى اللى اترفض من الميدان كله بس برضو المجلس فى الاخر فرض رأيو علينا ولا كأن الثوار موجودين
اسببا رفض الجنزورى : اولا الجنزورى سواء كان ضد او معارض النظام السابق هيفضل جزء منو
ثانيا : بعده عن الحياه السياسيه فتره كبيره ومحدش سمع عنو اصلا بقالنا كتير ولا حد سمعلو حاجه ايام الثوره
ثالثا: مش هيبقى ليه اى صلاحيات زى عصام شرف بالظبط
وفعلا ده اللى حصل بعدين
المهم يوم الاعتصام ده الدنيا كانت ماشيه تمام لحد يوم 16 ديسمبر بليل حوالى الساعه 2 أو 3 كدهـ
طبعا اللى حصل فى الوقت ده ولا قناه كانت بتذيع ساعتها وولا قناه صورتو
انا جايبلكم تويتات ناس كانت لايفـ من هناك
يعنى بتوت وهى واقفه فى مكان الحدق احسن من أى تليفزيون وبتحى اللى حصل ساعتها بالظبط
دى تويتات محمود السيد : ناشط ويوتيبر كان هناك ساعتها والتويتات التاريخ جنبها اهى

وبعد كده عبود فضل جوه فتره والناس قلقت وعرفت ان فى حاجه هتحصل بعد كده

وبعد كده خرج عبود وكان متشوه ومضروب ضرب بغباء من ايد الجيش
ودى صورتو بعد ماخرج 

أظن ده بيبين مين اللى بدأ فى اشعال الضرب المتظاهرين ولا الجيش
وطبعا مفيش أى قناه كانت بتبث ساعتها اللى حصل ده
وبعدها استمر الضرب والكر والفر بين المعتصمين والجيش وطبعا كلنا شوفنا اللى حصل الصبح
والصبح معظمم القنوات تقريبا متكلمتش عنو غير الجزيره
واكيد التليفزيون المصرى مش هنساه
التليفزيون المصرى مش بيكتفى بنقل شيئ لا يزكر من الحقيقه لا وبيشوه صورة الناس اللى هناك كمان
يعنى مثلا تانى يوم الصبح
اتكلم لوا اسمو وليد فؤاد وكانت مكالمتو بتقول
{المعتصمين دول مش ثواردول متسولين والامن كان لازم يتعامل معاهم بالقوه من بدرى ومعرفش ليه كان ساكت واللى بيعملو ده الصح } انا معرفتش اجيب فيديو للمكالمه للاسف بس انا كنت بتفرج على التليفزيون المصرى ساعتها
اظن ده اعتراف اصلا من لوا ان الجيش والأمن هو اللى بدأ بالضرب واستخدم العنف لفض الاعتصام
وطبعا كلنا مننساش تصريح الجنزورى { لدينا القدره على فض الاعتصام بالقوه ولكننا لن نلجأ لاستخدام العنف } 

وبعد كده طبعا استر الجيش فى ضرب المعتصمين وسحل الشباب ووالبنات والفيديو ده بيحكى كل حاجه 

بعد كده استمر ضرب الجيش للمتظاهرين
وناس بتحدف طوب ع المتظاهرين من فوق ومنهم ناصر من الجيش والصوره بتثبت اهى

وعشان نثبت ان الثوار كان همهم على البلد وخايفين فعلا ان حاجه تولع ادى تويتة واحده كانت موجوده هناك

واستمر الضرب بعد كده

وبعدها استمر ضرب المتظاهرين بكل انواع الاسلحه الحيه وسقط شهداء كتير جدا 

وده فيديو تانى يوضح اعتداء الجيش باسلوب غير أدمى على المتظارهرين

ويوم 19 بليل بعد مالامور كانت هديت شويه
رجع الجيش يضرب فى الثوار هناك

وبعد كده استمر الجيش فى سياستو القذره ان كل يوم بليل على الفجر كده يقطع البث عن كل القنوات عن التحرير ويدخل يقتلو كام واحد
يوم 20 ديسمبر 

اظن بعد كل ده وضحت قذارة المجلس العسكرى والجيش وتعاملو مع المتظاهرين بطريقه غير أدميه
ووضحنا ان القوار دول لا بلطجيه ولا مخربون ولا أى حاجه

دى ناس بتضحى بنفسها وبتموت عشان خاطر البلد دى 

!!
وعرفنا مين اللى بيخرب فيها 

ودى شوية صور كمان للتسخين بقى :D
الصور بتوضح تعامل الجيش المصرى مع المتظاهرون المصريون 

 

ياريت بقى نفهم ان الثوار دول مش مخربين ولا بيولعوا فى البلد 

دول ناس بتموت عشان  الثوره متضيعش ودم الناس اللى ماتت ميروحش