الجمعة، 20 يناير، 2012

هتافات يوم 25 ينـاير


الانتخابات ع العين والراس .. بس نحِس ب فَرْق يا ناس
يا اللي بتسأل ع الخيام .. جرب وسط الضرب تنام
أيوَه انا لابسه عباية كباسين .. إيش عرفني انكو نِجْسين
قول لي يا مجلس مين اختارك .. يا عصابة معينها مبارك
مش هيفيدَك غاز ورصاص .. حكم العسكر بح خلاص
ومش هيفيدك كاب وبيادة .. إنتو جهنم واحنا شهادة
يا اللي بتسأل ع التمويل .. المجلس خاين وعميل
نفسك تحكم مصر يا جيش .. كان على عيني حكم مفيش
ياللى ساكت ساكت ليه...كاسرين عينك ولا إيه...خدت حقك ولا إيه
يا اللي بتسأل عايزين إيه .. حقي وحقك عند البيه
أنا لانا قابض ولا متموِّل .. أنا مش لاقي يا مصر أفوِّل
ظلم تانى من جديد...عايز كام خالد سعيد...عايز كام سيد بلال...عايز كام مينا دنيال
إشهد يا محمد محمود .. اللى ماتوا كانوا أسود
أنا لا يسار ولا كنت يميني .. بس العسكر طلَّع ديني
أنا لا أجنده ولا كنتاكي .. حكم العسكر ليه قسّاكي
لا برادعاوي ولا إخوان .. مصري وبايت في الميدان
ده مفهومكم عن التغيير .. سجن صغير يبقى كبير
انتي يا وزارة الدفاع .. حق الشهداء بأيدك ضاع
عسكر عسكر عسكر ليه..أحنا صهاينة ولا أيه؟
يامشير يامشير .. تحتك كرسى وبكرة يطير .. وإحنا طالبين التغير .. بكرة تشوف غضب الفقير
قولتولنا احنا الشرعيه .. وأنتو يادوب شلة حراميه
مجلس عسكر من الحثالة .. رموا شهادئنا في الزبالة
المحـــاكمة المحـــاكمة .. العصـــابة لســه حاكمة
عمال طلبة وفلاحين...مسلمين ومسيحيين...لسة فينا ناس بتفكر...بكرة هنسقط حكم العسكر...يسقط يسقط حكم العسكر
بيلمونا من الميادين .. بكره مكانهم في الزنازين
أأأه يا مجلس عسكر عار .. سنة كاملة و لا حتى دولار
أأه يا مجلس عسكر عار .... راحوا فين 70 مليار
إكتب على حيطة الزنزانة.. حكم العسكر عار و خيانة
دب برجلك طلع نار..بينا و بينهم دم و طار
التحرير فيه ناس بتمووت .. وأنت قــاعد فـوق مبسـوط
ارفع صوتك زى الناس .. احنا كرهنا الظلم خلاص
مصر دولة مش معسكر..دى حرية و ناس بتفكر..يسقط يسقط حكم العسكر
قتلوا شيخنا شيخ الأزهر.. يسقط يسقط حكم العسكر
اللي يعري مصـر .. ما يحكمش مصـر
يـا أبو دبورة ونسـر وكاب .. إحنـا أخواتــك مش إرهــاب
قـالو عدالة وقالو قـانون .. رموا الثـوار في السجون
ده مفهومكم عن العدالة ؟ ترمو الشهداء في الزبالة
أرفـع كل رايــات النصـر .. احنـا شباب بيحرر مصــر
ولا إحـزاب ولا إخــوان .. الشعب المصري مــلا الميــدان
اضـرب غاز اضـرب مطاطي .. إحنا شباب مش بنطاطي
همـــا معــاهم ضـرب النــار .. إحنـا معانا عــزيز جبـار
يــا أبن الخال يــا أبن العـم .. الحــرية تمنها الدم
مجلس ذل ومجلس عار .. يسقط يسقط الحمار
يا طنطاوي خرب دمر .. بكرة مصيرك زي معمر
عايزين يركبو على ثورتنا .. إلا الثورة على جثتنا
صوت الثورة طالع طالع .. من المساجد والكنائس .. ومن المدارس والمصانع
عمر السجن مأخر بكرة .. عمر القهر ما غير فكرة
آه ياحكومة هازه الوسط .. كيلو اللحمة بقى بالقسط
اللي يقتل أهلوا وناسوا .. يبقى خسيس من ساسوا لراسو
عدت سنة أهى يابيه .. قولي الثورة عملت إيه
قايم نايم فى التحرير ... الأسفلت عملته سرير ... كنت بقول ارحل يا مبارك ... دلوقتى بقول ارحل يا مشير
بانت بانت يا مشير .. انتخاباتك بالتزوير
مش بندمر ولا بنكسر .. يسقط يسقط حكم العسكر
ياللي واقف عالرصيف .. قولي فين حق الرغيف
جوة كنيسة أو جوا الأزهر .. يسقط يسقط حكم العسكر
كلمه فى ودنك يا حربيه .. احنا اللى ضربنا الداخليه
يـــا بلادنـــا ثوري ثوري .. لا طنطــاوي ولا جنــزوري
اشـــهد اشـــهد يا تـــاريخ .. قتــلوا الطـــالب قتلو الشيــــخ
بدلــــة جيشــــك مش هتفيــــدك .. عند بنـــــاتنا هنقطع إيــــــدك
يــــا طنطــــاوي أرحل غــور .. خلي الثورة تشوف النــــــــور
يـاللي ســاكت ســاكت ليه .. بعــت عــرضك ولا إيه .. مش قابلين الإعتذار .. شرف البنت مش هزار
رايح يكـــشف عالـ عذرية .. وعالـ حدود عـامل ولية
يــــا مشيــر صبرك صبرك .. ف الميدان راح نحفر قبرك
المشــير شـاهد زور .. يبقى المجلس كلـــه يغـور
شــالوا حسني جابوا حسين .. داهية تاخدهم الأتنين
يـــا طنطاوي يا حبيبي حسـني .. أبعتلي الدبابة تدوسني
أقتل خــالد .. أقتل مينــا .. كل رصاصة بتقوينا
ثــــوار .. أحــــــــــرار .. هنكمل المشـــوار
دارررري وشـــك إنـــت وهوه .. مصـــر إتعرت بـــرا وجوة
يـــلا يا مصـــري إنزل من داركــ .. الطنطــــاوي هــــو مبــــــارك
اللي خايف .. خايف ليه ؟؟ قتلوا إخــواتنا .. فــــاضل إيـــــــــه ؟؟
جبـــنا شـــرطة عســكرية .. طلـــعت أوسخ م الداخلية
عـامل راجل ف الميدان .. وع الحدود عامل جبان عامل راجل ع الصينية .. وع الحدود عامل ولية
عــلي في ســور السجن وعلــي .. بكــرة الثورة تشيل ما تخلي
يــا طنطاوي يا عميـل .. اسأل نفســك ع التمويل
البلطجي أبو درع وشومة .. اللي مسمي نقسه حكومة
لعبة ولعبوها زمان .. عسـكر ملوش أمـان
قــالوا العسكــر حتة سكــر .. بس العســكر هو العســكر
يا بلدنا .. يا وسية .. يا تكية .. سرقوكي بتوع الحربية
يا أهـــالينــــا إنضمــوا لينـــــا .. جـيش طنطاوي بيقتل فينا
قلنا عيش عدالة حرية .. قاموا حاكمونا عسكـرية
قالوا رحيله هيعمل أزمة .. أرحل أرحل يا أبن الجزمة
قوم يامصرى وقول للجيش .. فين الآمن وفين العيش
الجدع جدع .. والجبان جبان .. واحنا يا جدع .. حنموت في الميدان
يــا حرية فينــك فينــك .. حكـم العســـكر بينا وبينك
فرق كبير بين جندى و جندى .. جندى سينا بيحمي في سينا .. و جندي المجلس بيقتل فينا
المشير عايز ايه ؟؟ عايز الشعب يبوس رجليه .. لا يامشير مش هنبوس .. بكرة عليك بالجزمة ندوس
أيوه بنهتف ضد العسكر.. إحنا الشعب الخط الأحمر

،عايزين 80 مليون واحد بيهتف ضد العسكر
#Copied 

الاثنين، 9 يناير، 2012

الاخوان المتأسلمون "فقدتم اخر ذره فى احترامنا"


بعد مطالبتهم بالخروج الامن للعسكرى الاخوان المتأسلمون يقررون النزول يوم 25 للاحتفال
الاخوان المتأسلمون من بداية الثوره وهم لايطمحون الا لنيل السلطه ومصلحتهم الشخصيه ليس اكتر
ولم يكونوا يوما مع الثوره ولا مع مطالبها والدليل موقفهم من الاحداث التى جرت من بعد الثوره وحتى الأن
بداية من موقفهم من" التعديلات الدستوريه "
دعوتهم بشده للموافقه على التعديلات الدستوريه تدل على انهم لا يطمعوا الا فى السلطه
لانهم كانوا التيار الوحيد القادر على خوض الانتخابات وقتها
وبعد ظهور نتيجة الاستفتاء بنعم بدأ الاخوان المتأسلمون يوهمون الناس
بأنهم ليس لهم هدف سوى الاصلاح وانهم لا يطمعون فى السلطه مطلقا
وليس لهم هدف سوى تحقيق مطالب الثوره ولكن اثبتت مواقفهم عكس ذلك
ولاشد دليل على مااقول موقفهم من الاحداث المؤسفه التى حدثت فى القصر العينى مؤخرا
فقد كنت انتظر فى اليوم التالى ان تدعو الجماعات الاسلاميه وعلى رأسها جماعة الاخوان المتأسلمون
الى مليونيات فى الميادين للرد على افعال العسكرى المخزيه كما دعوا الى مليوينيات عظيمه ودعوا الى الاعتصام حتى رفض "وثيقة السلمى التى كانت ستعرقل طريقهم الى السلطه"
ولكن كان هذا ردهم :

كان هذا العدد التالى لجريدتهم بعد احداث مجلس الوزراء
موقف لا يوصف بغير الجبن والانكار وعدم الاهتمام الا بالمصلحه الشخصيه
ثم فأجتنا امينة حزب المرأه فى الحريه والعداله بمقالها عن "ست الكل "
الذى جاء مخزيا بكل المقاييس
"تضخيم قضية سحل المرأه لا يخدم مصر"
كان الاحرى بها ان تكتب ان تضخيم قضية سحل المرأه لايخدم مصلحة الاخوان المتأسلمون
هكذا كان ردهم على احداث مجلس الوزراء
رد لا يدل الى على الجبن والاهتمام بالمصلحه فقط
ثم فأجونا بعدها بأيام ببلاغ ضد "الاشتراكيين الثوريين"
باتهامهم فيها بالخيانه والتحريض على هدم الدوله"دولة الظلم والفساد"!!
الا يوصف هذا الا تخوف من حركة الاشتراكيين الثوريين ان تشارككم الصوره السياسه
وان الساحه لن تخلوا لكم !! وانكم تخشوا الاتنفردوا بالسلطه
ولكن لا شيئ يدعو للغرابه فمن قبل كان ردهم على احداث اعتصام 18 نوفمبـر
كان بنفس درجة جبن هذا الرد
فمن دعى للمليونيه لرفض الوثيقه
ما ان تم رفضها حتى انسحب من الميدان وترك الثوار يموتون على يد المجلس العسكرى
ولم يحركوا ساكنا  
واخيرا يدعون للخروج الأمن للمجلس العسكرى 
الخروج الامن لمن سجن الثوار وعراهم
وادار البلاد لحساب النظام السابق
باختصار "مجلس مبارك العسكرى"
ولكن ليسا غريبا فقد سلمكم السلطه على طبق من فضه على حساب شهدائنا
وها انت تردون الجميل وتطالبون بالخروج الأمن له !
الان اتضحت الصوره واتضح من خان الثوره والثوار وعقد الاتفاق
مع من قتل منا 1014 شهيد
كفا نفاقا وادعاءا بانكم من الثوار
فانه لخذى وعار ان تنسبوا لنا


الاخوان المتأسلمون
"لقد نسيتم من حولكم من جماعات محظوره الى جماعات محظوظه"

السبت، 7 يناير، 2012

بأى ذنب لا يزال هؤلاء فى السجون العسكريه ؟ !

يوجد المئات من علا عبد الفتاح مازالو فى السجون العسكريه
الحريه لـ : 
  • شيكا
  • سامبو
  • ابو يحي
  • خضر عنان 
  •  عمرو البحيرى 
  • محمود شاهين
  •  محمد حسن
  • أحمد دومه
  •  محمد عبد المنعم
  •  اسلام حربي
  •  مؤمن عبد المنعم كامل
  •   عصام عبد المنعم كامل
  •  محمد جاد
  •  رمضان رسلان
  •  وائل جعفر
  •  عياد جرجس
  •  مدحت جميل
  •  عاطف عبد الله
  •  أسامة حامد
  •  أشرف سعد
  •  أحمد عبد الرحمن 
بأى حق لايزال هؤلاء فى السجون العسكريه !
وبأى ذنب ؟!
.الاعتراض على الظلم
.المطالبه بحقوقهم
هذه هى اسباب اتهامهم!!
يسقط يسقط حكم العسكر
يسقط مجلس كلاب  مبارك
يسقط مجلس خونة الثوره

#FuckScaf #NoScaf

الاثنين، 2 يناير، 2012

ابيات فى ذم العسكر


قتلني عشان نزلت اقول حريه ،.ماهو عسكري متعود ع الغشوميه

  قولنا كرامه حريه عداله اجتماعيه ؛اتاري ثورتنا من ساعه مابدأت منتهيه

 بدل ماندوق الامل ،سفينا الاحباط ،وايه كنت مستني من مجلس الظباط

  قتلوا ولادك يامصر برصاصهم الغادر,, مات ولادك بأوامر مجلس العساكر

بس كل ليل يابلدى وليه اخر ,, وحياتك يامصر يابهيه , لهنسقط مجلس العسكريه , والثوره جايه جايه
#25jan2012
#NoScaf